ابڙو اڪيڊمي Abro Academy
2020-07-22
داخلا نمبر 605
عنوان ٽِيٽيهر (واسڪوٽي)، گلسنلگ،
شاخ پکي
پڙهيو ويو 311
داخلا جو حوالو:
ٽِيٽيهر (واسڪوٽي)، گلسنلگ،
37 سينٽي ميٽر جسامت جي هن پکيءَ جي نر ماد ۾ ٿورو فرق آهي. نَر جي پٺي ۽ پَـر ڪارا ٿين ٿا. مادي ۽ ٻچا گهرا ناسي ٿين ٿا. سِسيءَ کان پيٽ تائين سڄو اڇو، ڪاريون اکيون، ڊگهيون گلابي ٽنگون ۽ سنهڙي ڊگهي ڪاري چهنب اٿس. هي صاف ۽ خوبصورت پکي پاڻين جي ڪنڌين تي نظر ايندو آهي ۽ پاڻي جهاڳندو آهي. ڪڏهن ڪڏهن پاڻي ۾ منڍي وجهي ڇڏيندو آهي. گوڙ ڪندو آهي. حملي جي صورت ۾ ڪيئي جوڙا اچي گڏبا ۽ ورائي ورائي ننڍڙيون ۽ مختصر چيخون ڪندا آهن. اڏامڻ مهل ڊگهيون ٽنگون سڌيون ڪندو آهي، جيڪي پري کان نظر اينديون آهن، ان جي چيخدار ٻوليءَ ’ ٽي ٽي ...اَر ... ٽي ٽي ...اَر‛ سبب مٿس اهو سنڌي نالو پيو آهي ۽ اهو آواز اڪثر ٻهراڙين ۾ خاموش فضا کي چيريندو رهندو آهي.